Աստղաֆիզիկոս Սթիվեն Հոքինգը, Tesla-ի ղեկավար Իլոն Մասկը եւ աշխարհի ավելի քան հազար գիտնականներ, ինժեներներ եւ գործարարներ բաց նամակ են ստորագրել՝ կոչ անելով արգելել արհեստական ինտելեկտով օժտված ռազմական համակարգերի օգտագործումը, հայտնում է The Guardian-ը։
Նրանց կարծիքով՝ արհեստական բանականության զարգացման տեխնոլոգիան հասել է այն փուլին, երբ նման համակարգերը կարող են ի հայտ գալ արդեն առաջիկա մի քանի տարվա ընթացքում։ «Վտանգը շատ մեծ է, քանի որ սպառազինությունների նման ինքնավար տեսակները վառոդից եւ միջուկային զենքից հետո ռազմական ոլորտի 3-րդ հեղափոխությունն են»,- ասված է նամակում, գրում է Gazeta-ն։
Ընդ որում նամակի հեղինակները կոչ չեն անում ամբողջովին հրաժարվել ռազմարդյունաբերության ոլորտում արհեստական ինտելեկտի մշակումից, այլ նշում են, որ այդ տեխնոլոգիաները չպետք է ունենան ինքնուրույն որոշումներ կայացնելու գործառույթ։