ՆԱՏՕ-ի գլխավոր քարտուղար Յենս Սթոլթենբերգը հայտարարել է, որ դաշինքը պաշտպանում է Թուրքիայի ռազմական գործողությունները, որոնք նա ձեռնարկում է երկրի հարավային սահմաններում կարգուկանոն հաստատելու համար։
«ՆԱՏՕ-ն շատ ուշադիր հետեւում է իրավիճակին, եւ մենք համերաշխ ենք մեր թուրք գործընկերների հետ»,- հայտարարել է Սթոլթենբերգը գագաթնաժողովի ժամանակ, որը հրավիրվել էր «Իսլամական պետություն» ահաբեկչական խմբավորման եւ քուրդ ապստամբների դեմ Թուրքիայի գործողությունների քննարկման հարցով, փոխանցում է BBC-ի Ռուսական ծառայությունը։
Ընդ որում Սթոլթենբերգը չի մեկնաբանել այն փաստը, որ թուրքական իշխանությունները հարվածներ են հասցնում ինչպես ջիհադականների, այնպես էլ տարածաշրջանում իրենց գլխավոր թշնամի քրդերի ուղղությամբ։