Ուկրաինայի ՊՆ-ն հայտարարել է, որ Դոնբասում հակաահաբեկչական գործողություններ սկսելուց ի վեր ռազմական գործողությունների հետեւանքով 2,3 հազար զինծառայող է զոհվել: Այս մասին հայտնել է Ուկրաինայի զինված ուժերի քաղաքացիական ռազմական վարչության պետ Ալեքսեյ Նոզդրաչեւը, գրում է «Ուկրաինական նորությունները»:
«Այս պահի դրությամբ զոհվածների թիվը հասնում է 2300-ի»,-ասել է նա:
Նշվում է, որ 273 զինծառայող համարվում է անհետ կորած, որոնցից 70-80-ը գերեվարված են, մյուսները, ամենայն հավանականությամբ, զոհվել են: