Երեւանի Նոր Նորքի 55-ամյա բնակիչ, նախկինում 10 անգամ դատապարտված Գագիկ Եղիազարյանը մեղադրվում է դանակահարության մեջ:
Դեպքը, ըստ ոստիկանության, տեղի էր ունեցել հուլիսի 18-ին Գագիկ Եղիազարյանի տանը: Գագիկն ու ընկերը՝ 40-ամյա Սասուն Անդրյանը, հանդիպել էին, միասին ճաշել, իսկ մի քանի բաժակ ալկոհոլից հետո վիճաբանել միմյանց հետ: Վիճաբանության ընթացքում Գագիկ Եղիազարյանը դանակի մի քանի հարված էր հասցրել իրեն հյուր եկած Սասուն Անդրյանին: Այնուհետեւ ընկերոջը «Շտապօգնության» մեքենայով ուղեկցել էր «Սուրբ Գրիգոր Լուսավորիչ» բժշկական կենտրոն, ապա դիմել փախուստի:
Ժամեր անց, սակայն, ոստիկանները հայտնաբերել են Գագիկ Եղիազարյանին եւ բերման ենթարկել ոստիկանության Նոր Նորքի բաժանմունք:
Եղիազարյանը կալանավորված է: Նշանակվել է դատաբժշկական փորձաքննություն:
Մանրամասները՝ ոստիկանության պատրաստած տեսանյութում:
