Ոստիկանությունը կարճ ժամանակահատվածում բացահայտել է Աբովյանում հուլիսի 16-ին տեղի ունեցած գողությունը:
Ըստ ոստիկանության լրատվական ծառայության, հուլիսի 16-ին ոստիկանության Կոտայքի մարզի Բյուրեղավանի բաժանմունք է դիմել Աբովյանի մի բնակիչ եւ հայտնել, որ անհայտ անձն իր անասնագոմի պատուհանը կոտրել է եւ գողացել 9 ոչխար՝ պատճառելով 400 հազար դրամի վնաս:
Օրեր անց ոստիկանությունը պարզել է, որ հիշյալ գողությունը հնարավոր է կատարած լինի Չարենցավանի բնակիչ, 32-ամյա Գարիկ Հայրապետյանը: Վերջինս բերման է ենթարկվել եւ տվել խոստովանական ցուցմունք:
Գարիկ Հայրապետյանը պատմել է, որ տուժողներին ճանաչում է, ժամանակին նրանցից ոչխար է գնել:
«Մի ոչխարն առա, հետո որոշեցի մնացածն անվճար տանել: Գողացա, տարա շուկայում հատը 20 հազար դրամով ծախի»,- ասել է նա:
Փաստի առթիվ հարուցվել է քրեական գործ Քրեական օրենսգրքի 177-րդ հոդվածի 2-րդ մասի հատկանիշներով: Քննությունը շարունակվում է:
Մանրամասները՝ ոստիկանության պատրաստած տեսանյութում: