Բարսելոնի գլխավոր զբոսաշրջային փողոցի վրա հրաձգություն է տեղի ունեցել, կան վիրավորներ։ Այս մասին հայտնում է El Pais պարբերականը՝ նշելով, որ հրաձգությունը տեղի է ունեցել Ռամբայի բանուկ թաղամասում։

Ոստիկանության տեղեկությունների համաձայն՝ չարագործները կրակ են բացել Silken Hotel հյուրանոցի կենվորների ուղղությամբ եւ դիմել փախուստի։ Ոստիկանները որոնում են 2 կասկածյալի, փոխանցում է Gazeta-ն։

Հրաձգությունից տուժել են Բելգիայի եւ Մեծ Բրիտանիայի քաղաքացիներ։ Ականատեսների վկայությամբ՝ ատրճանակով զինված տղամարդը մոտեցել է հյուրանոցի շենքին, որտեղ 2 մարդ է նստած եղել, եւ 2 կրակոց է արձակելով՝ դիմել փախուստի։

Բելգիայի քաղաքացին հրազենային վնասվածք է ստացել, իսկ բրիտանացին փախուստի ժամանակ կոտրել է ապակե դուռը եւ բազմաթիվ վնասվածքներ ստացել։ Վիրավորները հյուրանոցի կենվորներ չեն եղել, գրում է ՏԱՍՍ-ը։