Քալիֆորնիայի այգիներից մեկում անհայտ պատճառներով սոճի է տապալվել, որի հետեւանքով 8 երեխաներ վնասվածքներ են ստացել: Նրանցից երեքի վիճակը ծայրահեղ ծանր է, գրում է Los Angeles Times-ը:
Kidspace ցերեկային ճամբարի 6-8 տարեկան երեխաները սպասում էին իրենց ծնողներին, երբ անսպասելիորեն նրանց վրա է ընկել բարձր ծառը: Ընդհանուր առմամբ ճամբարում եղել է 33 երեխա, հաղորդում է Gazeta-ն:
23-մետրանոց սոճու տապալվելու պատճառները փորձում են պարզել մասնագետները: Ծառը 75 տարեկան էր, հաղորդում է Associated Press-ը:
Նշվում է, որ տարածաշրջանում հիմա տաք, պարզ եղանակ է, քամի չկա: Հնարավոր պատճառ կարող է լինել երաշտը, որը Քալիֆորնիայում պահպանվում է արդեն մի քանի տարի: