Հայաստանի ՏԿԱԻՆ-ում, այսօր՝ հուլիսի 29-ին, ժամը 06.21-ին տեղեկություն է ստացվել, որ Երեւան-Սեւան ավտոճանապարհի 58-րդ կմ-ին տեղի է ունեցել ավտովթար, տուժածներ չկան. մաքրման աշխատանքներ իրականացնելու համար անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Մերսեդես» մակնիշի 30 ՏՏ 063 (վարորդ` 48-ամյա Ռ. Ն.), «Ֆորդ Տրանզիտ» մակնիշի 35 TՏ 337 (վարորդ` 45-ամյա Շ. Ք.) եւ «Ֆորդ Տրանզիտ» մակնիշի 24 ՕU 645 համարանիշներով (վարորդ` 25-ամյա Դ. Կ.) ավտոմեքենաները, ինչի հետեւանքով «Ֆորդ Տրանզիտ» մակնիշի ավտոմեքենայի բեռնախցիկի բեռը թափվել է ճանապարհի երթեւեկելի հատված՝ դարձնելով այն դժվարանցանելի:
Ժամը 09.21-ին տեղեկություն է ստացվել, որ «Սեւանի ՃՇՇ» ՓԲԸ-ի աշխատակիցները Մ-4 ավտոճանապարհի Երեւան-Սեւան հատվածի 58-րդ կմ-ին մաքրել են թափված ձմերուկները, իսկ հրշեջ-փրկարարները իրականացրել են ճանապարհահատվածի լվացման աշխատանքներ:
