Թուրքիայում ցանկացած ներքին ճգնաժամ բխում է նաեւ Հայաստանի շահերից: Այս մասին, այսօր՝ հուլիսի 29-ին, լրագրողների հետ հանդիպման ժամանակ նշել է թուրքագետ Գեւորգ Պետրոսյանը:
Նրա խոսքով, Հայաստանի շահերի տեսանկյունից, թուրք-քրդական բախումներում որեւէ աննախադեպ բան տեղի չի ունեցել, քանի որ 1980-ականների կեսերին այդ իրավիճակը բնական էր: «Հայաստանի շահերից է բխում, որ Թուրքիայում ներքին բախումներ տեղի ունենան, Անկարան զբաղված լինի իր ներքին խնդիրներով, այն պարզ պատճառով, որ նրա արտաքին քաղաքականության հիմնասյուներից մեկը հայատյացությունն է: Հետեւաբար, որքան քիչ ռեսուրսներ Թուրքիան կենտրոնացնի հակահայկական ճակատում, այնքան դա ձեռնտու կլինի մեզ»,-ամփոփել է Գեւորգ Պետրոսյանը:
