Հայաստանը ողջունում է ցանկացաի ջանքերը՝ կոռուպցիայի դեմ պայքարում: Այս մասին, այսօր՝ հուլիսի 29-ին, Երեւանում, կոռուպցիայի դեմ պայքարին նվիրված կլոր սեղանի ժամանակ հայտարարել է ՀՀ արդարադատության փոխնախարար-հակակոռուպցիոն ծրագրերի ազգային համակարգող Սուրեն Քրմոյանը:
Կլոր սեղանը կազմակերպել է «Transparency International»-ը:
«Ոչ ոք չի պնդում, որ մեզ մոտ կոռուպցիա չկա, բայց դրա դեմ բոլորը պետք է պայքարեն, ոչ միայն պետական մարմինները, այլեւ հասարակական կազմակերպությունները եւ նույնիսկ սովորական քաղաքացիները: Դրանից կշահի մեր տնտեսությունը: Իսկ մենք բոլորս, իհարկե, ուզում ենք, որ զարգացած տնտեսություն ունենանք»,-ասել է Քրմոյանը: