Սիրիական բանակն իր վերահսկողության տակ է վերադարձրել հնագույն Պալմիրայի տարածքում գտնվող նավթատարը: Այս մասին հաղորդում է կառավարամետ «Սուրիա ալ Էն» տեղեկատվական պորտալը: Նրա խոսքով, Սիրիայի տնտեսության համար կարեւոր այս օբյեկտը գտնվում է «Իսլամական պետություն» խմբավորման հսկողության տակ գտնվող Պալմիրայի օազիսից 20 կմ հեռավորության վրա:
Այս պահին մարտեր են ընթանում Փալմիրայից 1-3 կմ հեռավորության վրա: Կետային հարվածներով ոչնչացվել են քաղաքում գտնվող գրոհայինների մի քանի դիրքեր: Ավիացիան հետեւում է գրոհայինների խմբավորումների տեղաշարժին հարեւան Էս Սուհնա օազիսից (Փալմիրայից 60 կմ հեռավորության վրա): Օդաչուները գրոհում են հակառակորդի ավտոշարասյուները եւ շարքից հանում ռազմական տրանսպորտը:
