Բարեկամության միջազգային օրը օրացույցի ամենաերիտասարդ տոներից մեկն է: Այն սահմանել է ՄԱԿ գլխավոր ասամբլեան 2011թ ապրիլի 27-ին` իր 65-րդ նստաշրջանում (/բանաձեւ 65-275): Նոր տոնի համար գաղափարախոսական հիմք են դարձել հանուն ամբողջ մոլորակի բարօրության, բռնությունների դադարեցման եւ համաշխարհային մշակույթի բնագավառում գործողությունների ծրագիրն ու հռչակագիրը, հաղորդում է Calend-ը:
Միացյալ ազգերի կազմակերպությունն առաջարկել է պետական կառույցներին, ինչպես նաեւ միջազգային ու տարածաշրջանային կազմակերպություններին նշել այդ օրը` այս կամ այն երկրի մշակութային ավանդույթների համապատասխան ու կազմակերպել միջոցառումներ, որոնք կնպաստեն միջազգային համայնքի ջանքերին եւ ուղղված կլինեն քաղաքակրթությունների միջեւ երկխոսությունը խրախուսելուն, համերաշխություն, փոխըմբռնում եւ հաշտեցում ապահովելուն: