Թուրքիան ու ԱՄՆ-ն համաձայնագիր են ստորագրել, ըստ որի կոալիցիայի ուժերը կարող են օգտագործել «Ինջիրլիք» ավիաբազան` «Իսլամական պետություն» խմբավորման դեմ պայքարում՝ հաղորդում է « Reuters»-ը՝ վկայակոչելով Թուրքիայի ԱԳՆ-ն:
Համաձայնագիրը վերաբերում է միայն ԻՊ դեմ պայքարին ու չի ներառում Սիրիայի հյուսիսում մարտնչող քուրդ գրոհայիններին օգնության տրամադրումը:
Ինչպես ավելի վաղ հայտնել էին թուրքական լրատվամիջոցները` ԱՄՆ-ի ու Թուրքիայի մի քանի ամիս տեւած բանակցություններից հետո Վաշինգթոնը համաձայնել է Սիրիայի հյուսիսում, թուրք-սիրիական սահմանին 50 կմ խորությամբ 90 կիլոմետրանոց հատվածի երկայնքով ոչ թռիչքային ու բուֆերային գոտի ստեղծել, եթե Անկարան դրա դիմաց թույլ տա ամերիկյան օդանավերին օգտագործել «Ինջիրլիք» ավիաբազան` Սիրիայում ԻՊ-ի դեմ օդային գործողություններ իրականացնելու համար: