Իրաքի բնակիչները 4 օր հանգիստ են ստացել անսովոր բարձր ջերմաստիճանի պատճառով։ Երկրի նախարարների խորհուրդը քառօրյա հանգստի մասին համապատասխան որոշում է կայացրել։ «Արձակուրդները» կտեւեն հուլիսի 30-ից օգոստոսի 3-ը։
Օդերեւութաբանները հայտնում են, որ ջերմաստիճանի սանդղակը այս օրերին կբարձրանա մինչեւ 50 աստիճան։ Այս ամիս շոգի պատճառով կառավարությունն արդեն 2-րդ անգամ բնակիչներին լրացուցիչ հանգստյան օրեր է տրամադրում։
Իրաքի համար տարվա այս եղանակին նման բարձր ջերմաստիճանը անսովոր երեւույթ չէ։ Իրավիճակը բարդացնում են էլեկտրաէներգիայի եւ ջրամատակարարման հաճախակի անջատումները։