Երեւանի «Շենգավիթ» բժշկական կենտրոնից հուլիսի 27-ին «Էրեբունի» ԲԿ տեղափոխված եւ երկու օր անց մահացած 26-ամյա Մերի Մարգարյանի դեպքի առթիվ նյութեր են նախապատրաստվում: Այս մասին NEWS.am-ի թղթակցին հայտնեցին Քննչական կոմիտեի մամուլի ծառայությունից:
Նրանց փոխանցմամբ՝ նշանակվել է դատաբժշկական փորձաքննություն:
Հիշեցնենք, որ հղիության 35-րդ շաբաթում գտնվող Մերի Մարգարյանը հուլիսի 27-ին ծայրահեղ ծանր վիճակում տեղափոխվել է «Էրեբունի» բժշկական կենտրոն, որտեղ նրան կեսարյան հատում են արել: Վիրահատությունից երկու օր անց՝ հուլիսի 29-ին վաղ առավոտյան, Մերի Մարգարյանը մահացել է:
Նորածնի կյանքը հաջողվել է փրկել, սակայն վիճակը ծանր է: