Իսրայելի կառավարությունը հավանություն է տվել Հորդանան գետի արեւմտյան ափին եւս 300 տուն կառուցելու ծրագրին:
Ավելի վաղ այդ տարածքում իսրայելական իշխանությունները դատարանի որոշումով ապամոնտաժել են երկու բնակելի տուն, որոնք, ինչպես նշվում էր, ապօրինաբար էին կառուցվել պաղեստինցիներին պատկանող տարածքում:
Պաղեստինի իշխանություններն ավանդաբար դեմ են նմանատիպ շինարարություններին, անվանելով դրանք ապօրինի ու խաղաղ կարգավորման գործընթացին խոչընդոտող, հաղորդում է BBC-ի ռուսական ծառայությունը:
ՄԱԿ-ի ներկայացուցիչներն ավելի վաղ նաեւ հայտարարել էին, որ օկուպացված տարածքներում կառուցված իսրայելական շինությունները խախտում են պաղեստինցիների իրավունքները, քանի որ նրանց այնտեղից դուրս մղելու նպատակ են հետապնդում: