Ծայրահեղական խմբավորումները նոր ահաբեկչություններն են նախատեսում ԱՄՆ քաղաքացիների ու շահերի դեմ արտասահմանում, այդ թվում Եվրոպայում: Այս մասին նախազգուշացրել է ԱՄՆ պետքարտուղարությունը՝ հիշեցնելով, որ նախորդ տարվա օգոստոսից ԱՄՆ-ը եւ իր դաշնակիցները Սիրիայում եւ Իրաքում ռազմաօդային գործողություն են իրականացնում «Իսլամական պետության» գրոհայինների դեմ:
«Ստացվող տեղեկատվությունը վկայում է այն մասին, ո «Իսլամական պետությունը», «Ալ Կաիդան» եւ նրանց հետ կապ ունեցող ահաբեկչական խմբավորումները շարունակում են ահաբեկչական հարձակումներ պլանավորել ԱՄՆ-ի եւ արեւմտյան երկրների շահերի դեմ Եվրոպայում»,-ասված է պետքարտուղարության զգուշացման մեջ:
Գլոբալ ահաբեկչական սպառնալիքի մասին նախորդ նախազգուշացումը ԱՄՆ իշխանությունները տարածել էին այս տարվա հունվարի սկզբին, հաղորդում է ՏԱՍՍ-ը: