Նեպալում հորդառատ անձրեւի հետանքով սկսված սողանքները 15 մարդու կյանք են խլել, եւս մի քանիսը կարող են փլատակների տակ լինել։ Այս մասին հայտնում է Indian Express պարբերականը։

Երկրի ՆԳՆ տեղեկությունների համաձայն՝ 11 մարդ զոհվել է մայրաքաղաք Կատմանդուից 200 կմ հեռավորության վրա գտնվող Լումլա գյուղում։ Եվս 4 դի հայտնաբերվել է Դուդհե գյուղում։ Սողանքից փլուզվել է 2 կամուրջ, հայտնում է «ՌԻԱ Նովոստի»-ն։

Նեպալում հորդառատ անձրեւները բնորոշ են տարվա այս եղանակի համար եւ հաճախ են սողանքներ ու հեղեղումներ առաջացնում երկրի հարավում։