ՀՀ կառավարությունը հուլիսի 30-ին հաստատել է պետական պահուստի արագ արագանքման պաշարներն օգտագործելու կարգը։ Համապատասխան որոշումն ընդունվել է կառավարության  նիստի ժամանակ։

Ինչպես հայտարարել է ՏԿԱԻ նախարար Վաչե Տերտերյանը, պաշարները պետք է օգտագործվեն տուժած բնակիչներին առաջին անհրաժեշտության մթերքներով ու իրերով ապահովելու, տարահանումն ու փրկարարական աշխատանքները կազմակերպելու եւ այլ կարիքների համար (բուժօգնություն, սպասարկում, սանիտարահիգիենիկ եւ հակահամաճարակային միջոցառումներ, ենթակառուցվածքների վերականգնում, արտակարգ իրավիճակների հետեւանքների վերացում)։

Ապրանքները կբաժանվեն վարչապետի համաձայնությամբ եւ ԱԻՆ ղեկավարի համապատասխան հրամանի համաձայն։