Նպատակային ծրագրով եւս 25 պետծառայողներ բնակարան կստանան: Համապատասխան որոշման նախագիծը կառավարության այսօրվա՝ հուլիսի 30-ի նիստում ներկայացրել է ՀՀ քաղաքաշինության նախարար Նարեկ Սարգսյանը:

Երեւանի Ադոնցի փողոցում գտնվող շենքում արդեն բաշխվել են 267 բնակարաններից 242-ը: Բնակարանները պետծառայողներին հատկացվում են համեմատաբար մատչելի գներով: Մասնավորապես, մատչելի բնակարան ծրագրի շրջանակներում, պետծառայողները կարող են բնակարան ձեռք բերել մեկ քմ-ն 310 հազար դրամ (մոտ 650 դոլար) արժեքով, ինչը զգալիորեն ցածր է այդ շրջանում շուկայական գներից: