Իսրայելի խորհրդարանը (Կնեսետ) այսօր՝ հուլիսի 30-ին, օրենք է ընդունել, որն իրավունք է տալիս բռնի կերպով կերակրել հացադուլ հայտարարած բանտարկյալներին, եթե նրա կյանքը վտանգի տակ է:
Ավելի վաղ հաղորդվել էր, որ Իսրայելի անվտանգության ծառայությունը («Շին Բեթ») սպասում էր, որ պետական անվտանգության դեմ հանցագործությունների մեծ կասկածվող եւ բանտարկված պաղեստինցիները կարող են հացադուլ սկսել:Նոր օրենքը պետք է կանխի կառավարությանը շանտաժի ենթարկելու փորձերը:
«Ռեյթերսի» փոխանցմամբ, երկար քննարկումներից հետո օրենքն ընդունվել է 46 կողմ, 40 դեմ ձայներով:
Օրենքը լայն դժգոհություն է առաջ բերել Իսրայելի իրավապաշտպան կազմակերպությունների, ընդդիմադիր քաղաքական ուժերի եւ Իսրայելի բժիշկների ասոցիացիայի անդամների շրջանում, հաղորդում է «ՌԻԱ նովոստին»:
