Ինչպես գիտեք՝ Ռուսաստանում ավտոմոբիլային շուկան ճգնաժամ է ապրում։ Այս պայմաններում ռուսաստանյան «ԱվտոՎԱԶ» ընկերությունը հակաճգնաժամային միջոցառումներ է ձեռնարկել, որոնց շնորհիվ ընկերությունը հույս ունի մինչեւ ընթացիկ տարվա վերջ 20 մլրդ ռուբլի տնտեսել։
Ընկերության ղեկավար Բու Անդերսոնն ասել է․«Ներկա տնտեսական իրավիճակը մեզ վրա բացասական ազդեցություն է թողել։ «Լադա» մեքենաների վաճառքի մակարդակը նվազել է 27 տոկոսով, բայց դրա հետ մեկտեղ աճել է ավտոպահեստամասերի արժեքը։ Այս ամենի հետեւանքով ընկերությունը կորուստներ է կրում։ Հիմա մեր գլխավոր նպատակներն են արտադրության ծախսերի կրճատումը, մատակարարների բազայի վերակազմավորումը»,-հայտնել է Informing-ը։
Ընկերությունում հայտարարել են այն մասին, որ օգոստոսի 1-ից Lada Granta-ի , Lada Kalina-ի (Cross ընտանիքից բացի) и Lada 4x4-ի գները կբարձրանան 4 տոկոսով։ Չնայած միաժամանակ Lada -ի գների ընդհանուր փոփոխությունը կշարունակի մնալ ավելի ցածր, քան ավտոմոբիլային շուկայում նկատվող գների միջին աճը։
Ներկայացնենք մի քանի թվեր. ընթացիկ տարվա 6 ամիսներին ընկերությունը թողարկել է 280 հազար ավտոմեքենա, ինչը 1․6 տոկոսով շատ է անցած տարվա նույն ժամանակաշրջանի համեմատ։ Իսկ 2015 թ առաջին կիսամյակի վաճառքի ցուցանիշներում Lada -ի մասնաբաժինը կազմել է 19 տոկոս , ինչը 2․5 տոկոսով շատ է 2014 թ ցուցանիշից։