Հայկական ատոմակայանի համար սարքավորումների հերթական խմբաքանակը ձեռք կբերեն արագացված կարգով՝ առանց մրցույթի: Կառավարությունը նման որոշում է կայացրել այսօր՝ հուլիսի 30-ին, իր նիստում:
2015 թվականի համար սարքավորումների գնումների ցանկում ներառվել են ԱԷԿ-ի՝ աշխատանքային վիճակում պահպանելու համար նախատեսված սարքավորումները: Էներգետիկայի եւ բնական պաշարների նախարար Երվանդ Զախարյանը նշել է, որ մրցույթից հրաժարվելը պայմանավորված է նրանով, որ սարքավորումների մի մասը մշակվել է հատուկ հայկական ԱԷԿ-ի համար՝ հաշվի առնելով եղանակային պայմանները:
Այդ սարքավորումների ու նյութերի գնումը կազմում է ԱԷԿ-ի պահպանման ծախսերի 16 տոկոսը, առանց վառելիքի: