Աֆղանստանի արեւելյան Հասկա Մինա գավառում անօդաչու սարքերի երկու ավիահարվածի ադյունքում ոչնչացվել է ահաբեկչական «Իսլամական պետություն» խմբավորման առնվազն 20 զինյալ, հաղորդում է Associated Press գործակալությունը։ Պակիստանի հետ սահմանակից այս գավառի ղեկավարության հաղորդմամբ՝ գործողությունը տեղի է ունեցել հուլիսի 29-ի երեկոյան։ Գավառը գտնվում է զինյալների ակտիվ գործողություններին հարակից գոտում։
Ավիահարվածների մասին տեղեկությունը հաստատել են նաեւ այդտեղ տեղակայված ԱՄՆ զինված ուժերի ներկայացուցիչները։ Տեղական իշխանությունների փոխանցմամբ՝ խաղաղ բնակչության շրջանում տուժածներ չկան։