ԱՄՆ-ում «Քայլող մեռյալներ» գարեջուր կթողարկվի, որը ստեղծելու են ճանաչված հեռուստասերիալի հեղինակները՝ Terrapin Beer Co. գարեջրագործական ընկերության հետ համատեղ:
Ըստ Foodbeast-ի, նոր խմիչքն իրենից ներկայացնում է հնդկական բաց գարեջուր՝ եփված նարնջի կեղեւով, որն ըմպելիքին լրացուցիչ ցիտրուսե համ է հաղորդում:
Lenta-ի փոխանցմամբ, խմիչքի պիտակի վրա զոմբի-կրիա է՝ այլ կենդանի մեռյալներով շրջապատված: Գարեջրի թնդությունը 6.7% է: Այն արտադրող Terrapin Beer Co. ընկերությունը տեղակայված է Ջորջիա նահանգում եւ մասնագիտանում է ինքնատիպ գարեջրերի արտադրության մեջ: