Հայաստան հնարավոր կլինի ներկրել 1 նոթբուքից եւ 2 բջջային հեռախոսից ոչ ավելի։ Հասարակ քաղաքացիների համար ոչ առեւտրային ներմուծման ծավալների նոր սահմանափակումների մասին համապատասխան որոշումն ընդունվել է հուլիսի 30-ի Կառավարության նիստում։
Դեղորայքի դեպքում հնարավոր է ներմուծել ոչ ավել, քան 5 անուն դեղամիջոց՝ յուրաքանչյուրից 3 փաթեթ, եթե բժշկական տեղեկանքով չի հաստատվում, որ բուժման համար ավելի մեծ քանակ է անհրաժեշտ։
Թանկարժեք զարդեր թույլատրվում է ներկրել ամեն տեսակից 3 հատից ոչ ավել, իսկ թանկարժեք քարեր (ադամանդից բացի) ոչ ավել, քան 1 կարատ կամ 1 կարատից խոշոր միայն մեկ քար։ Երկու խմբի համար գնային սահմանափակում է դրված. արժեքը չպետք է գերազանցի 25 հազար դոլարը։ Ոսկյա զարդերից առանձին՝ ալմաստ եւ ադամանդ ներկրել չի կարելի։
Ալկոհոլային եւ ոչ ալկոհոլային խմիչքների թույլատրելի շեմը 2 լիտրն է կամ 2 լիտրը գերազանցող մեկ շիշը։ Ծխախոտի քանակը սահմանափակվում է 400 հատով, իսկ բենզինը՝ 10 լիտրով։