Հայաստանի կառավարությունը հաստատել է Երեւանի հոսքային ջրերի օդահագեցման կայանների վերանորոգման նախապատրաստության կարգը։ Այս մասին համապատասխան որոշումը կայացվել է հուլիսի 30-ի կառավարության նիստում։

Վերանորոգման աշխատանքների նախապատրաստության համար օդահագեցման կայանների շենքերի համալիրում ինվենտարիզացիա կանցկացվի։ Կայանների հին սարքավորումները, որոնք այլեւս ենթակա չեն «Երեւան ջուր» ՓԲԸ ջրամատակարարման օպերատորի կողմից շահագործման, դուրս կբերվի պետության հաշվեկշռից։

Նշենք, որ աշխատանքները կընթանան Ֆրանսիայի կառավարության ֆինանսավորման շրջանակներում։ Այս մասին համաձայնությունը ՀՀ խորհրդարանը վավերացրել էր 2008թ. հոկտեմբերին։ Ֆինանսավորման ծավալը 26 մլն եվրո է, որը կտրամադրվի վարկի տեսքով։