ՌԴ Պետդումայի «Սպրավեդլիվայա Ռոսիա» խմբակցության պատգամավորներն առաջարկել են տարեկան 24 մլն ռուբլի եկամտի դեպքում հարկման պրոգրեսիվ սանդղակ սահմանել։ Պատգամավորների կարծիքով՝ փոփոխությունները կխթանեն ձեռնարկությունների եկամուտը ուղղորդել ոչ թե սեփականատերերի հարստացման, այլ ձեռնարկությունների զարգացման համար։
«Օրինագիծն ուղղված է սոցիալական անհավասարության նվազեցմանը՝ նպատակ ունենալով երկրում ներդաշնակ սոցիալ-տնտեսական իրավիճակ ստեղծել»,- ասված է Պետդումայի կայքում զետեղված փաստաթղթում, գրում է «Կոմսոմոլսկայա պրավդա»-ն։
Օրինագիծը քննարկման կդրվի Պետդումայի աշնանային նստաշրջանում։
