Ոստիկան Ռեյ Թենսինգը, որը մեղադրվում է Օհայո նահանգում սեւամորթ տղամարդու սպանության մեջ, ազատ է արձակվել մեկ մլն դոլարի գրավի դիմաց, հաղորդում է «Ռեյթերսը»:
Ատենակալների դատարանը սպիտակամորթ ոստիկանին սպանության մեղադրանք է ներկայացրել: Ցինցինատի քաղաքի դատարանում մի քանի ժամ տեւած լսումներից հետո ոստիկանին ազատ են արձակել: Նա լսումների ժամանակ իրեն մեղավոր չի ճանաչել, հաղորդում է «ՌԻԱ նովոստին»:
Մեղադրյալը հուլիսի 19-ին սպանել էր 10 երեխաների հայր 43-ամյա Սամուել Դյուբոզին, ով այդ պահին մեքենայի ղեկին է եղել: Ոստիկանը կանգնեցրել է վարորդին եւ պահանջել վարորդական իրավունքը: Սեւամորթ տղամարդը վարորդական իրավունքի փոխարեն ոստիկանին շշով ալկոհոլ է առաջարկել: Ոստիկանը հայտարարել է, որ վարորդը փորձել է փախչել դեպքի վայրից: