ԱՄՆ ազգային անվտանգության գործակալությունը (ԱԱԳ) հետեւել է Ճապոնիայի կառավարությանը եւ ընկերություններին, որոնցից է Mitsubishi-ն, հաղորդում է WikiLeaks-ը:
Պորտալը այսօր՝ հուլիսի 31-ին, «Target Tokyo» («Թիրախը՝ Տոկիո») անվանումով ցանկ է հրապարակել, որտեղ նշվում են ԱՄՆ ազգային անվտանգության գործակալության 35 թիրախներ, հաղորդում է «ՌԻԱ նովոստին»:
Հաղորդվում է, որ ԱԱԳ-ն հետեւել է ճապոնական ընկերություններին, կառավարության անդամներին, նախարարություններին ու ավագ խորհրդականներին առնվազն Սինձո Աբեի վարչապետության առաջին ժամկետից: Նշենք, որ վերջինս վարչապետի պաշտոնում է եղել 2006 թվականի սեպտեմբերից մինչեւ 2007 թվականը: