Թեեւ ամբողջ աշխարհը զարմացած է, թե ինչու է Թուրքիան «Իսլամական պետության» ահաբեկիչներին հարվածելու փոխարեն սկսել կոտորել քուրդ զինյալներին, նախագահ Ռեջեփ Թայիփ Էրդողանը հայտարարել է, թե շարունակելու է գործողությունները PKK-ի (Քուրդիստանի բանվորական կուսակցություն) դեմ։
Թուրքական Milliyet-ի փոխանցմամբ՝ Թուրքիայի նախագահ Ռեջեփ Թայիփ Էրդողանը հայտարարել է, թե «Իսլամական պետության եւ PKK-ի հարցով խոսել է Օբամայի, Օլանդի, Պուտինի եւ Սաուդիան Արաբիայի թագավորի, Քաթարի էմիրի, Հորդանանի թագավորի, Իտալիայի վարչապետի եւ Իրաքի վարչապետի հետ եւ ստացել նրանց բանավոր աջակցությունը՝ շարունակելու պայքարը ԻՊ-ի եւ PKK-ի դեմ։
«Հիմա ԻՊ-ի եւ PKK-ի դեմ պայքարի շրջան է։ Այդ շրջանակներում նրանց դեմ գործողությունները շարունակվելու են»,-ասել է Թուրքիայի նախագահ Ռեջեփ Թայիփ Էրդողանը։