Ավստրալական Սիդնեյում բարձր տեխնոլագիական ճանապարհային նշաններ են տեղադրել՝ օգտագործելով էլեկտրոնային թանաք: Ըստ JCNews.ru-ի, նորարարական տեխնոլոգիայի առավելությունն այն է, որ ճանապարհային նշանների վրա տեղեկությունները կարելի է փոխել առանց լրացուցիչ ծախսերի եւ կառույցի փոփոխության: Բավական է միայն նոր տեղեկությունը ներբեռնել հիշողության սարքի մեջ:
Բացի այդ, նոր ցուցանակներն ավելի էկոլոգիական են: Դրանք էներգիա են ստանում արեւային մարտկոցներից:
Տեղի իշխանությունների փոխանցմամբ, արտասովոր որոշումը կայացրել են այն բանից հետո, երբ պաշտոնյաները հաշվարկել են ճանապարհային ստանդարտ նշանների կանոնավոր փոփոխության համար ծախսվող գումարը: Եթե Սիդնեյում անցկացվող փորձի արդյունքները դրական լինեն, ավստրալացիների օրինակին կարող են հետեւել նաեւ այլ երկրներ:
Նշենք, որ միայն Լոս Անջելեսում տարեկան մինչեւ 9.5 մլն դոլար է ծախսվում ճանապարհային ենթակառուցվածքների պատշաճ տեսքն ապահովելու համար:
