Հայաստանում ծնելիության մակարդակը նախորդ տարվա համեմատությամբ նվազել է: Այս մասին այսօր՝ հուլիսի 31-ին, լրագրողներին հայտնեց Հայաստանի ազգային վիճակագրական ծառայության (ԱՎԾ) Մարդահամարի և ժողովրդագրության բաժնի պետ Կարինե Կույումջյանը:
«Հանրապետության մի շարք մարզերում գրանցել է բնական աճի նվազում: Ծնելիության մակարդակը նվազել է: Ծնունդներն ավելի քիչ են եղել, քան մահվան դեպքերը»,- ասաց Կարինե Կույումջյանը:
Ըստ պաշտոնական տվյալների՝ 2015թ. առաջին 6 ամիսներին ծնվածների թիվը կազմել է 18 719։ Նախորդ տարվա նույն ժամանակահատվածի համեմատ (19 249 ծնունդ) ծնելիությունը նվազել է 2.8 տոկոսով:
