Windows 10-ի թողարկման առաջին օրվա ընթացքում 14 մլն օգտատերեր իրենց համակարգիչների վրա տեղադրել են Microsoft-ի նոր օպերացիոն համակարգը,ասված է մարքետինգի բաժնի ղեկավար Յուսուֆ Մեխդիի հաղորդագրության մեջ՝ ընկերության պաշտոնական բլոգում։
Ընկերությունում շեշտում են, որ այս ցուցանիշը միանգամայն արդարացնում է իրենց բոլոր ակնկալիքները եւ հիմա իրենք ստիպված են նույնիսկ սահմանափակել միաժամանակյա ներբեռնումների թիվը, որպեսզի «չջարդեն» ինտերնետը, հայտնում է Gazeta-ն։
Ամբողջ աշխարհի ինտերնետ-պրովայդերներն արդեն հայտնել են, որ նոր օպերացիոն համակարգի միաժամանակյա ներբեռնումներով պայմանավորված՝ սարքավորումների ծանրաբեռնվածությունը զգալիորեն ավելացել է։ Սովորական ցուցանիշների համեմատ՝ ինտերնետ- թրաֆիկը 35 տոկոսով աճել է։