Mozilla-ի ղեկավար Քրիս Բերդը ընկերության բլոգում Microsoft –ի տնօրենին հասցեագրված բաց նամակ է հրապարակել, որում մեղադրել է ընկերությանը նոր Windows 10-ում բրաուզերի «լռելյայն» փոփոխության պրոցեսը բարդացնելու մեջ։

Բերդն իր երախտագիտությունն է հայտնել Microsoft-ի մասնագետներին այն բանի համար, որ համակարգը թարմացնելուց հետո պահպանվում են Windows-ի նախորդ տարբերակներում օգտատերերի ընտրած պարամետրերը ։  Սակայն նշել է, որ նոր համակարգում բրաուզեր ընտրելու հնարավորություն ստանալուց առաջ անհրաժեշտ է կրկնակի շատ քլիքներ անել ու որոշ քանակության տեխնիկական տեղեկություններ ու այլ տեքստեր կարդալ, հայտնում է Gazeta-ն։

«Խնդրում եմ՝ Windows 10-ում օգտատերերին  տվեք ընտրության այն հնարավորությունը որին նրանք արժանի են»,- ամփոփել է Mozilla-ի ղեկավարը։