Ադրբեջանում շարունակում են կարգուկանոն հաստատել երկրի Զինված ուժերում։
Ինչպես փոխանցում է ԱՊԱ-ն, Բաքվի ռազմական դատարանը հրապարակել է Հեյդար Ալիեւի անվան Բարձրագույն ռազմական դպրոցի նախկին պետ գնդապետ Միրզալի Յուսիֆովի դատավճիռը։ Դատարանի վճռով Յուսիֆովը դատապարտվել է 3 տարվա ազատազրկման։ Նա մեղադրվում է Ադրբեջանի ՔՕ 311-րդ հոդվածով (կաշառակերություն)։ Յուսիֆովը նախկինում եղել է նաեւ ՊՆ 112-րդ գնդի հրամանատարը։
Նշենք, որ օրերս Ադրբեջանի կաշառակերության դեմ պայքարի գլխավոր վարչության աշխատակիցները ձերբակալել էին ՊՆ Բարձրագույն ռազմական դպրոցի եւս 3 աշխատակիցների։ Նրանք բոլորը մեղադրվում են կաշառակերության մեջ։