Իտալական Aternativa Tricolore հայրենասիրական շարժումը խնդրում է Ջենովայում Հայոց ցեղասպանության զոհերի հիշատակին փողոց անվանակոչել: Այս մասին տեղեկացնում է Genova24.it կայքը՝ վկայակոչելով շարժման հայտարարությունը:
Շարժման ներկայացուցիչները պատրաստվում են այդ նպատակով դիմել Ջենովայի քաղաքային խորհրդի՝ աշխարհագրական անունների վարչություն:
«Դա համերաշխության քայլ է, որը քաղաքային խորհուրդը կարող է անել՝ հանուն ժողովրդի, որը հետապնդվել է օսմանցիների կողմից, տեսել ցեղասպանություն, որը չպետք է մոռացվի, այլ հակառակը, պետք է ապրի ժողովրդավարական բոլոր ուժերի գիտակցության մեջ՝ հետագայում այդպիսի դաժանությունների կրկնությունը կանխելու համար»,- ասված է շարժման հայտարարությունում:
