Ճապոնիայում ձերբակալվել է MtGox բիթքոյն սնանկացած վիրտուալ փոխանակման կետի նախկին գլխավոր տնօրեն Մարկ Քարփելեսը, որին մեղադրում են խարդախության մեջ։
30-ամյա Քարփելեսը մասնավորապես մեղադրվում է մասնավոր էլեկտրոնային տվյալների եւ վիրտուալ բորսայի ֆինանսական տվյալների կեղծման մեջ։
Տոկիոյում գտնվող MtGox ընկերությունը դադարեցրել էր իր գործունեությունը 2014թ. փետրվարին եւ իրեն սնանկ էր հայտարարել։
Բիթքոյնը (bitcoin) վիրտուալ արժույթի ամենահաջող եւ ամենավիճելի սխեման է։ Այն օգտագործվում էր շատ երկրներում եւ մրցակցում էր ազգային արժույթների, այդ թվում՝ դոլարի եւ եվրոյի հետ։ Ընդ որում bitcoin-ը կապված չէ աշխարհի որեւէ արժույթի կամ ակտիվի հետ։ Նրա փոխարժեքը որոշում է շուկայի պահանջարկը եւ առաջարկը, գրում է «Փրայմ»-ը։