Ֆրանսիական Ռեյունիոն կղզում հայտնաբերված օդանավի կտորը, որը վարկածներից մեկի համաձայն, կարող է լինել մալայզիական անհետացած Boeing 777 օդանավինը, տեղափոխվել է Փարիզի Օռլիի օդանավակայան, հաղորդում է Reuters-ը:
Փարիզից այն կտեղափոխվի Թուլուզ, որտեղ փորձաքննության կենթարկվի: ՏԱՍՍ-ի փոխանցմամբ, Boeing կորպորացիան իր մասնագետների խմբին կուղարկի Ֆրանսիա: Մասնագետները պետք է պարզեն, թե արդյոք հայտնաբերված կտորը հենց «Մալայզիական ավիաուղիներին» պատկանող օդանավին է:
Մալայզիայի իշխանությունները հաստատել են, որ Ռեյունիոնում հայտնաբերված կտորը Boeing 777-ի է, սակայն դեռ պատրաստ չեն պնդել է, որ դա հենց նախորդ տարի անհետացած օդանավին է պատկանում:
Հիշեցնենք, որ 2014 թվականի մարտի 8-ին անհետացել է «Մալայզիական ավիաուղիներ» ընկերությանը պատկանող Boeing 777-200 օդանավը, որում եղել է 227 ուղեւոր եւ անձնակազմի 12 անդամ: Օդանավը Կուալա լումբուրից թռչում էր Պեկին:
