Մոսկվայում ոստիկանությունը քաղաքական գործիչ Բորիս Նեմցովի մասին սյուժե նկարահանելիս ձերբակալել է բրիտանացի լրագրող Գրեմ Ֆիլիփսին եւ ակտիվիստ Մարիա Կատասոնովային։ «Մոսկվայում Նեմցովի սպանության վայրից ռեպորտաժ նկարահանելուց հետո ինձ ձերբակալեցին»,- Twitter-ի իր էջում գրել է լրագրողը, հայտնում է «Կոմերսանտ»-ը։
Ձերբակալվածները տեղափոխվել են ոստիկանական բաժանմունք։ Ֆիլիփսը մեկ ժամ անց մեկ այլ գրառում էր արել, որով հայտնում էր, որ իրենց ազատ են արձակել։ Նրա խոսքով՝ ոստիկանները պրոֆեսիոնալ վերաբերմունք են ցուցաբերել։
