Իրաքի մայրաքաղաք Բաղդադում անբնական շոգի պայմաններում անջատել են էլեկտրականությունը, որի դեմ բողոքի են ելել քաղաքի մի քանի հարյուր բնակիչները: «Մենք բողոքում ենք չկայացած կառավարության դեմ, կառավարության, որը ի դերեւ է հանել սեփական ժողովրդի հույսերը»,-ասել է ցուցարարներից մեկը՝ Նահիդ Ահմադը:
Ցուցարարները մեղադրում են կառավարությանը, որ վերջինս բավարար չափով ներդրումներ չի կատարել ենթակառուցվածքների զարգացման համար:
Իրաքի վարչապետ Հեյդար Աբալին երկու օր առաջ հրամայել է անջատել պետական հաստատությունների եւ կառավարության պաշտոնյաների բնակարանների էլեկտրականությունը:
Այն բանից հետո, երբ Բաղդադում ջերմաստիճանը հասել է 50 աստիճանի, Իրաքի կառավարությունը 4 օր պաշտոնապես ոչ աշխատանքային է հայտարարել: