ԱՄՆ կառավարությունը զանգվածային հաքերային հարձակումներից հետո, որոնց մեջ կասկածում են Պեկինին, դիտարկում է մի շարք պատասխան միջոցներ կիրառելու տարբերակը, այդ թվում՝ ՉԺՀ-ի դեմ պատասխան կիբերհարձակման հնարավորությունը։
Սպիտակ տունը սկսել է քննարկել Չինաստանի դեմ լուրջ պատասխան քայլերի հնարավորությունը այն բանից հետո, երբ հայտնի էր դարձել ԱՄՆ կառավարության մի քանի մլն աշխատակիցների էլեկտրոնային տվյալների գողության մասին։ Դիտարկվող տարբերակների թվում կան ինչպես «խորհրդանշական միջոցներ, օրինակ, դիվանագիտական բողոք կամ ԱՄՆ-ից չինական հատուկ ծառայության գործակալների վտարում», այնպես էլ ավելի ագրեսիվ միջոցներ։
Վերջիններս կարող են նշանակել նաեւ ՉԺՀ-ի դեմ սպասվելիք կիբերհարձակումներ, գրում է ՏԱՍՍ-ը՝ վկայակոչելով New York Times-ին։
