Հայաստանի ՏԿԱԻՆ-ում, այսօր՝ օգոստոսի 1-ին ` ժամը 12.11-ին ահազանգ է ստացվել, որ Գեղարքունիքի մարզի Սեւանի ԲԿ-ին հարակից լողափում նկատվել է ջրահեղձվող քաղաքացի:
Դեպքի վայր է մեկնել մեկ մարտական հաշվարկ:
Մինչ ջրափրկարարների կանչի վայր հասնելը տուժած 25-ամյա Գ. Ս.-ն լճից դուրս է բերվել տեղի ուժերով:
Ջրափրկարարները ափից տուժածին մոտեցրել են շտապօգնության ավտոմեքենային, ով հոսպիտալացվել է Սեւան քաղաքի ԲԿ, որտեղ բժիշկները տուժածի առողջական վիճակը գնահատել են ծայրահեղ ծանր: