Շվեյցարահայ գործարար Վարդան Սերմաքեշի ֆինանսավորմամբ Գյումրիում կստեղծվի կառույց, որը ցածր տոկոսադրույքներով բիզնես վարկեր կտրամադրի շիրակցի գործարարներին: Այս մասին այսօր՝ օգոսոտսի 1-ին, լրագրողներին ասաց վարչապետ Հովիկ Աբրահամյանը, որը գործարարի հետ այցելել էր Գյումրի:
«Կարծում եմ՝ դա կնպաստի Շիրակի մարզում տնտեսական ակտիվությանը եւ աշխատատեղերի ավելացմանը»,- ասաց վարչապետը:
Հովիկ Աբրահամյանի խոսքով՝ վարկերը կտրամադրվեն բացառիկ շահավետ պայմաններով՝ 5 տոկոս տոկոսադրույքով եւ 7 տարի ժամկետով. «Նման ցածր տոկոսադրույք չկա որեւէ բանկում»:
Հիմնադրամի ստեղծման նպատակով շվեյցարահայ գործարարը ներդրել է 10 միլիոն դոլար, կառավարությունը նույնպես մասնակցություն է ունեցել 20 տոկոսի չափով՝ հիմնադրամի ընդհանուր բյուջեն կազմում է 12 միլիոն դոլար: