Կիեւը պլանավորում է «ճանապարհային քարտեզ» մշակել Ղրիմին Ուկրաինայի կազմում ազգային-տարածքային ինքնավարության կարգավիճակ տրամադրելու համար։ Այս մասին ասված է Ուկրաինայի նախագահ Պյոտր Պորոշենկոյի՝ Թուրքիայում Ղրիմի թաթարների 2-րդ համաշխարհային կոնգրեսի մասնակիցներին հղած ողջույնում, որը հրապարակել է նախագահի պաշտոնական կայքը։ «Մենք պետական հաստատություններ ենք ստեղծել, որոնք Ղրիմի նկատմամբ պետական քաղաքականություն են մշակում»,- հայտարարել է Պորոշենկոն։
Այս տարվա փետրվարին Պորոշենկոն խոստացել էր բոլոր միջոցներով պաշտպանել Ղրմում ապրող մարդկանց իրավունքները եւ որ Ուկրաինան երբեք չի հրաժարվի թերակղզու նկատմամբ իր իրավունքներից։