Windows 10-ի գործարանային կարգավորումները ենթադրում են օգտատիրոջ անձնական տվյալների միջամտության բարձր մակարդակ:
Այսպես, այդ օպերատիվ համակարգն ունակ է կարդալ էլեկտրոնային փոստը, շփումների ու նշումների մասին տեղեկատվությունը: Նոր տեղակայված Edge բրաուզերը, որը եկել է փոխարինելու Internet Explorer-ին, գովազդ է ընտրում օգտատիրոջից հավաքած տեղեկատվության համաձայն: Բացի այդ, նշվում է, որ անձնական օգնական Cortana-ն «ազատ կերպով խաղում է անձնական տվյալներով», հաղորդում է RT-ն:
« Ես շատ զարմացա՝ տեղեկանալով նման աստիճանի միջամտության եւ տվյալների հավաքման մասին: Ինձ ավելի շատ շշմեցրեց, որ դրանք ներդրվում են լռելյայն»,-ասել է վեբ-մշակող Ջոնաթան Պորտան: