«Արարատբանկը» նախատեսում է Լոնդոնում IPO այլընտրանքային հարթակում մինչեւ 10 տոկոս բաժնետոմսեր տեղադրել։ Այս մասին NEWS.am-ի թղթակցի հետ զրույցում նշել է բանկի կառավարման նախագահ Աշոտ Օսիպյանը։
«Տեղադրման ֆինանսական ծավալը դեռ չենք նշում։ Ամեն ինչ կախված է բանակցություններից»,-հայտարարել է Օսիպյանը։
Նույն տարում բանկը նախատեսում է ավարտել բանակցությունները այլ հայկական առեւտրային բանկի գնման մասին, ինչպես նաեւ նոր միջոցներ ներգրավել արտասահմանից, ամենայն հավանականությամբ ԵՄ-ից։
Այսպիսով, եթե 2014-ի վերջին բանկի համախառն պարտավորություններում արտաքին ու ներքին աղբյուրներից ստացվող միջոցները հավասարաչափ էին բաշխվել, ապա այս տարվա կեսերին այն հասել է 60/40-ի, իսկ տարեվերջին բանկը նախատեսում է այդ ցուցանիշը դարձնել 70/30-ի։
Հիշեցնենք, որ «Արարատբանկի» բաժնետերերն են «Ֆլեշ» ընկերությունը (64,24 տոկոս), Վերակառուցման եւ զարգացման եվրոպական բանկը (22 տոկոս), եւ «Rural Impulse Fund II SA»-ը։
