ԱՄՆ-ում բրիտանացի երաժիշտ Սթիվեն Փաթրիք Մորիսին բողոքել է՝ նշելով, որ օդանավակայանի անվտանգության աշխատակիցը սեռական ոտնձգության փորձ է արել։ Արտիստի խոսքով, Սան Ֆրանցիսկոյից թռիչքից առաջ անվտանգության աշխատակիցը վայելուչ առիթով ձեռք է տվել իր սեռական օրգաններին։
«Ես սովորական վերահսկողության համակարգ անցա, այդ թվում ուղեւորների լուսանցման սկաներով»,-պատմել է Սթիվեն Մորիսին։ Նրա խոսքով, անհանգստության ոչ մի պատճառ չկար։
Երաժիշտը արդեն պատրաստվել է վերցնել իր իրերը, երբ Սթիվենին է մոտեցել օդանավակայանի անվտանգության ծառայության սպան։ Արտիստի խոսքով, նա նստել է իր դիմաց ու շոշափել իր առնանդամն ու ամորձիները։
Արտիստը փորձել է ստիպել նրան բացատրել իր վարքը, ինչին վերջինս պատասխանել է․ «Դա ընդամենը ձեր անձնական կարծիքն է»։
Մորիսին որոշել է սեռական ոտնձգության բողոք ներկայացնել, հաղորդում է NEWSru.com-ը՝ վկայակոչելով The Guardian-ին։
Ծառայողական ստուգման ժամանակ դիտել են տեսանյութը եւ եկել եզրակացության, որ անվտանգության աշխատակիցը իր լիազորությունների սահմաններից դուրս չի եկել՝ խուզարկելով Սթիվեն Մորիսիին։