Ամերիկյան Կալիֆորնիա նահանգում անտառային խոշոր հրդեհների հետեւանքով արտակարգ դրություն է հայտարարվել: NBC-ի փոխանցմամբ, համապատասխան հրահանգը ստորագրել է նահանգապետ Ջերրի Բրաունը:
Արտակարգ դրությունը նահանգի իշխանություններին իրավունք է տալիս հրդեհի դեմ պայքարում մոբիլիզացնել ազգային գվարդիան եւ նահանգի բյուջեից արտակարգ հիմնադրամ առանձնացնել:
Ներկայում Կալիֆորնիայում 20 խոշոր հրդեհ է գրանցվել, որոնց ընդհանուր մակերեսը կազմում է գրեթե 9 հազար քառակուսի կիլոմետր:
«Ռոսբալտ»-ի փոխանցմամբ, մոտեցող հրդեհների վտանգի պատճառով շաբաթ կալիֆորնիական Սան Բերնարդինո շրջանի իշխանությունները մասամբ փակել են թիվ 15 արագընթաց մայրուղին: Այն Լոս Անջելեսը կապում է Լաս Վեգասին: