Լիբիայի հյուսիս-արեւելքում կառավարական զորքերի եւ իսլամականների զինված բախման հետեւանքով առնվազն 5 մարդ է զոհվել, եւս 12 հոգի վիրավոր է: Այս մասին գրում է Reuters գործակալությունը:
Մարտերը սկսվել են շաբաթ, Բրեգա նավթային նավահանգստից ոչ հեռու գտնվող Աջդաբիա քաղաքի հարեւանությամբ: Հաղորդվում է նաեւ, որ ռազմական ինքնաթիռը հարձակվել է քաղաքի հարավում գտնվող իսլակամականների դիրքերին:
ՌԻԱ Նովոստիի փոխանցմամբ, ուրբաթ «Իսլամական պետություն» (ԻՊ) ահաբեկչական խմբավորման զինյալները հարձակվել էին Աջդաբիայից ոչ հեռու գտնվող զինվորական հսկիչ անցակետի վրա: Հարձակման հետեւանքով 7 զինվորական է զոհվել, 15-ն անհետ կորել է:
